Yangiliklar
O`zbekistonda giyohvand moddalar va o`qotar qurollarni nazorat qilish bo`yicha yangi Agentlik tashkil etiladi. Prezident davlat boshqaruvini isloh qilish doirasida tegishli farmonni imzoladi.
Agentlik Giyohvandlik vositalarini nazorat qilish bo‘yicha milliy markaz negizida tashkil etiladi. Yangi tuzilma nafaqat giyohvand moddalar aylanishiga qarshi kurashish, balki o‘qotar qurollar aylanishini nazorat qilish bilan ham shug‘ullanadi.
Bundan tashqari, farmonga binoan quyidagi o‘zgarishlar nazarda tutilgan:
- Axborot va ommaviy kommunikatsiyalar agentligi bekor qilinadi, uning monitoring funksiyalari Axborotlashtirish va telekommunikatsiyalar sohasida nazorat inspeksiyasiga o‘tkaziladi;
- Ommaviy kommunikatsiyalar markazi Prezident administratsiyasi tasarrufiga o‘tkaziladi;
- Prezident matbuot xizmati huzurida Media kontent tayyorlash markazi tashkil etiladi;
- Davlat fuqarolik xizmati agentligi Boshqaruv samaradorligi agentligiga aylantiriladi;
- Madaniyat va san’atni rivojlantirish jamg‘armasi ham Prezident administratsiyasi boshqaruviga o‘tkaziladi.
2025-yil 1-sentyabrgacha quyidagilarga qaratilgan normativ-huquqiy hujjatlar loyihalari ishlab chiqilishi lozim:
- byurokratik to‘siqlarni qisqartirish,
- takrorlovchi funksiyalarni bartaraf etish,
- qarorlar qabul qilishda shaffoflikni oshirish,
- hududiy rivojlanish, bandlik va aholi daromadlari bo‘yicha hokimiyatlar vakolatini kengaytirish.
Bu choralar yaqinda o‘tkazilgan yirik "Koradori" giyohvandlikka qarshi operatsiyasi fonida amalga oshirilmoqda. Butun mamlakat bo‘ylab reydlar o‘tkazildi, katta miqdorda giyohvand moddalar, qurollar va pul mablag‘lari musodara qilindi, o‘nlab gumonlanuvchilar qo‘lga olindi.
Manba
