Yangiliklar
Toshkentda Bojxona rasmiylashtiruvi markazi ish boshladi
Shavkat Mirziyoyev Toshkentga amaliy tashrifi davomida Bojxona rasmiylashtiruvi markazini borib ko‘rdi, deb xabar qildi prezident matbuot xizmati.
Yangi majmuaning asosini zamonaviy himoyalangan serverlar bilan jihozlangan ma’lumotlarni qayta ishlash markazi tashkil etadi. Rasmiy ma’lumotlarga ko‘ra, ularning sig‘imi o‘n barobar oshdi, bu esa aloqa kanallari tezligini besh barobarga oshirish va qayta ishlash vaqtini ikki barobarga qisqartirish imkonini berdi.
Markazda masofadan turib elektron deklaratsiyalash posti ham mavjud. Poytaxtdagi tadbirkorlik subyektlari tomonidan onlayn tarzda yuborilgan yuk deklaratsiyalari shu yerda rasmiylashtirilib, kelgusida O‘zbekistonda bojxona rasmiylashtiruvining barcha jarayonlarini qamrab olish rejalashtirilgan.
Markaz Bojxona qo‘mitasining 1108 telefon raqamiga va o‘z veb-saytiga kelib tushgan murojaatlarni ko‘rib chiqadi.
Shuningdek, bu yerda Jahon bojxona tashkiloti ko‘magida tashkil etilgan maqsadlilik va risklarni boshqarish bo‘limi ham ish boshladi. Uning xodimlari xavf tahlili va mamlakatdagi barcha bojxona postlari ishini masofadan nazorat qilish bilan shug‘ullanadi.
Operatsion tuzilmalar 50 ta bojxona axborot tizimlari, shuningdek, JST tizimlari va 30 dan ortiq xorijiy departamentlarning maʼlumotlarini oʻrganadi. Majmuada markaziy bojxona laboratoriyasi ham joylashgan.
Raqamlashtirish bojxona rasmiylashtiruvining o‘rtacha vaqtini 30 daqiqagacha qisqartirish imkonini berdi, deyiladi xabarda. Taqqoslash uchun, 2017 yilda jarayon 5 soat 42 daqiqa davom etgan.
Tovar importining 80 foizi va eksportning 89 foizi soddalashtirilgan tartibda qayta ishlanadi. Bundan tashqari, sun’iy intellekt yordamida yuk bojxona deklaratsiyasini avtomatik tarzda qayta ishlash ko‘paygan.
Prezidentimiz import tuzilmasini tahlil qilish asosida tadbirkorlarga takliflar berish bo‘yicha topshiriqlar berdi. Shuningdek, bojxona hududida qayta ishlash hajmini oshirishni taʼminlash boʻyicha topshiriqlar berdi.
Spot avvalroq Pokiston O‘zbekiston bilan bojxona ma’lumotlari almashinuvini yo‘lga qo‘yishni rejalashtirayotgani haqida yozgan edi.
https://www.spot.uz/ru/2023/08/29/customs-center/
